現年42歲嘅女星廖碧兒情路曲折離奇，近年與百億富商男友盧啟賢關係撲朔迷離，曾傳分手後翻撻，甚至驚傳婚訊，之後又突然降呢變好友，不過廖碧兒今日（25日）竟突然於社交網宣布「懷孕」喜訊，消息令網民震驚！
佢晒出一張躺在病床上照BB超聲波嘅照片，留言指自己有咗BB，為大家送上驚喜。但其實佢只係為有份演出嘅新戲宣傳，所謂嘅照超聲波相亦只係劇照，不過仍有唔少朋友「被騙」，紛紛恭喜佢有BB，佢亦逐一解釋指只係喺戲中懷孕。