【【蟲草大王】「李佳芯事件」激怒陳恩德 抽廣告改與ViuTV合作】#李佳芯#與拍拖多年嘅男友陳炳銓分手後,早前傳出與「蟲草大王」#陳恩德#密往,今個月26日蟲草大王舉行「Pet Paws NFT發佈會」前,被傳媒影到二人於酒店high tea一聚,又有合照流出!
李佳芯於社交平台發聲明,為二人感情落閘,斬釘截鐵稱無發展空間,又甩底蟲草大王的活動。陳恩德明顯「唔收貨」,更怒轟TVB提出不合理條件︰「出席活動Ali唔能夠同陳先生單獨影相,即使上台都唔能夠接近陳生,訪問都唔能夠同陳生做。」
他揚言要抽廣告︰「每年落近兩千萬廣告嘅客戶又有幾多個,真係唔明點解對我哋公司態度咁差,我要話畀佢知我唔好蝦。」他坐言起行,年廿九抽起千萬廣告!
據報陳恩德一怒下將旗下寵物藥妝,搵蘇志威夫婦的產品廣告,於TVB播到30日,就會轉場去ViuTV,其發言人向傳媒表示︰「已抽起TVB的廣告,與VIU TV正磋商不同合作機會,未來亦會與不同平台合作。歲晚將至,祝大家身體健康,各位位寵主及毛孩都健健康康,送牛迎虎。」
欢迎新用户
o p

正在加载,请稍候...